食蔬果，唔少人都會食果肉唔食皮，好似薯仔皮咁，唔係芝士煙肉焗都唔會有人食，原來薯仔含有豐富的鉀，有穩定情緒及血壓功效，只要洗刷乾淨便可拿來作香脆健康的小吃。而經常用來做泰式菠蘿炒飯的原個菠蘿，剩下的菠蘿皮不妨用來煲水，其豐富鳳梨酵素可幫助消化肉類，飯後飲最適合。


■薯仔皮以小刷在水龍頭下洗擦表皮，可以將殘留農藥和泥污徹底清除。

■在薯皮淋上橄欖油，灑上粗鹽拌勻後，放入預熱至200℃焗爐，焗15分鐘即成。

點解快餐店啲薯條可以咁脆，自己炸嘅薯條就軟腍腍好頹咁呢？全因薯條充滿澱粉質，直接炸就會腍身唔夠脆，點好？有廚師教路，粗薯條要先汆水，幼薯條則啤啤水，目的就係要除去薯條表面嘅澱粉質，再放雪櫃雪一陣等佢收乾水份，然後炸至金黃色，撈起攤凍 5秒再炸一炸，咁就可以炸出脆薯條嘞！


粗身薯條先汆水，去除薯仔嘅澱粉質！

幼身薯條則以啤水代替汆水，便可去除薯仔澱粉。

汆水或啤水後嘅薯條要放雪櫃，等佢收乾水份！

放滾油炸至金黃，盛起攤 5秒再炸。


Source: http://hk.apple.nextmedia.com/template/apple_sub/art_main.php?iss_id=20111114&sec_id=12187363&subsec_id=38328&art_id=15797231